– Smarte kommunar byggjer ladestasjonar
Behovet for å byggje ut ladestasjonar for el-bilar er stort. I Bø og Sauherad tek ikkje kommunen dette ansvaret. Det overlet ein til private aktørar.
Talet på el-bilar er i rask vekst i Noreg. I tillegg har Stortinget bestemt at i 2025 skal alle nye bilar vere nullutsleppsbilar.
Spørsmålet er om det er tilstrekkeleg med ladestasjonar i framtida med sannsynlegvis langt fleire elbilar enn i dag, og om kommunen er aktiv pådrivar og aktør for å leggje til rette for elbilar. Bø vil gjerne vere attraktiv for turistar. Kan dei rekne med å finne ein ledig ladestasjon i Bø, både i dag og i framtida?
