B
Buss sklei av vegen på Lifjell
Ein buss sklei i grøfta like nedanfor Lifjellstua søndag ettermiddag. Føret var så vanskeleg at sjølv redningsbilen fekk problem med å taue bussen vekk.
Det var ved 15-tida søndag ettermiddag at ein buss fekk trøbbel på veg opp mot Lifjell. I bakkane like nedanfor Lifjellstua sklei bussen av vegen og ned i grøfta på det glatte og sleipe snøføret. Det var tåke og snøvêr da uhellet skjedde. Det var ingen passasjerar i bussen da den fekk problem. Bussen var på veg opp for å hente folk på fjellet.
