Redaktør i Bø blad, Hilde Eika Nesje, ber nå folk i Midt-Telemark om å lese lokalavisa på nett.
– Nå i koronakrisa er det vanskeleg for oss å vere heilt oppdatert i papiravisa som kjem ein gong i veka. Nyheiter og reglar endrar seg frå minutt til minutt, seier ho, og fortel om krevjande og intene dagar for dei tilsette i lokalavisa som alle sit på heimekontor nå.
Ikkje minst teknologien kan vere ei utfordring på heimekontora ettersom ein jobbar med store og tunge system.
– I nettavisa kan ein lese oppdaterte nyheiter kvar dag, noko som er viktig for alle innbyggjarane, seier redaktøren.
– Eg oppfordrar nå folk til å teikne eit abonnement slik at me kan klare å halde koken. Og det går fortsatt an å annonsere hos oss. Også me har fått merke at alle inntekstbeina blir slått under oss på kort tid, seier redaktøren.