Svar på spørsmål om gravfeste i Bø

Ingebjørg Grivi skriv i ein kommentar i Bø blad 14. mai at ho ønskjer svar på spørsmålet om det er vanleg å sende ut rekning på eiga grav før vedkomande er død. Midt-Telemark kyrkjelege fellesråd har ansvar for gravferdsforvaltinga på vegner av samfunnet, og som kyrkjeverje for fellesrådet svarar eg gjerne på spørsmål om dette. Eg nytter høvet til å prøve å informere generelt om reglar rundt feste av grav. Dette er regulert i «Lov om gravplassar, kremasjon og gravferd» med forskrifter.