– Skadeleg for omdømmet vårt

Finansavisen kom i førre veke med eit oppslag i papiravisa om at Midt-Telemark kommune hadde landets høgaste eigedomsskatt rekna ut for ein einebustad på 120 kvadratmeter. Statistisk sentralbyrå (SSB) hadde nemleg registrert eigedomsskatt på 8.000 kroner for ein bustad av denne storleiken fordi det hadde skjedd ei feilrapportering inn til SSB frå Bø kommune i februar i år. No slit ordføraren med å rette opp feilen og er oppriktig lei seg for situasjonen.