Ifølgje Midt-Telemark kommune sine heimesider melder kommuneoverlegen om at ho i dag har fått tilbakemelding om at ein person har testa positiv på Covid-19 i Midt-Telemark kommune.
Meldinga frå kommuneoverlegen blei publisert ved 16-tida laurdag.
– Personen som har testa positivt har vore i nærkontakt med ein annan person som har vore smitta i Oslo. Den som er smitta har halde seg i karantene/isolasjon etter ankomst frå Oslo for nokre dagar sidan, og ikkje hatt kontakt med nokon i kommunen, så det har ikkje vore behov for smittesporing, skriv kommuneoverlege Kristin Sekse.
Personen som er smitta har ifølgje kommunoverlegen folkeregistrert adresse i ein annan kommune.