Elg er fin oppleving. Ein kan gløyme tid og stad, som det heiter, når elgen står der og kikkar på ein. Dei gongane eg får sjå elg kjenner eg meg heldig. Sidan barndomen har eg kjent på interesse og fascinasjon for dette dyret. Ofte har eg gått turar i skog og mark med håp om å få sjå skogens konge. Eg har sett elg både på skogstur og eg har sett elg frå bilen. Eg har sett elg mens eg har sotte stille i naturen, og eg har sett elg forsvinne inn blant trea i skogen i det eg kom gåande. Og eg har sett elg beitande på åker og eng. Naturen blir gjerne meir moro og spennande når eg får sjå ein elg. Tidlegare såg eg elg nokså ofte, men no kan det gå lang tid mellom dei gongane eg får sjå elg. Eg har fått inntrykk av at det nesten ikkje er elg her i Midt-Telemark lengre. Er det færre elg no enn tidlegare? Riktignok ser eg spor og sportegn rundt omkring, så det er godt muleg det er god bestand av elg, berre at eg ikkje ser dei. Kanskje elgane berre er sky og veldig flink til å halde seg skjult. Rådyr ser eg oftare enn eg ser elg for å seie det slik.
5 veker for 5 kroner
Deretter 145 per månad.
Inga binding.
Kjøp
