I ei pressemelding frå Midt-Telemark kommune torsdag kveld blir det opplyst at det er stadfeste fek nye tilfelle av covid-19 i kommunen. Personane som er smitta er elevar ved Sauherad Barne- og ungdomsskole samt eit barn i Gvarv barnehage.
Stengjer skulen
– Etter råd frå kommuneoverlege Kristin Sekse, har Midt-Telemark kommune bestemt at ingen elevar ved Sauherad barne- og ungdomsskole skal ha fysisk oppmøte ved skulen fredag 13. november. Undervisninga vil foregå på digitale læringsplattformer som elevane kjenner til frå før, heiter det i pressemeldinga.
Elevar på fire trinn i karantene
Elevar i begge klasser på 1., 3., 4,. og 7. trinn, i tillegg til elevar på 2. trinn som har vore på morgon-SFO de 10. og 11. november er sett i heimekarantene. Det er også ei avdeling i Gvarv barnehage. Dese vil bli kontakta av smittesporingsteamet med informasjon om heimekarantene og time til test.
– Dette er omfattande arbeid. Dei involverte blir kontakta i løpet av torsdag kveld eller fredag, opplyser kommunen.
Det blir understreka at heimekarantene BARE gjeld for eleven, ikkje dei andre i husstanden.
Må følgje karantenereglane nøye
Karanteneperioden er frå og med tysdag 10.november til og med torsdag 19. november.
Kommunen understrekar i pressemeldinga at ein SKAL overhalde heile karanteneperioden, sjølv om ein testar negativt for covid-19.
– Dersom ein utviklar symptom i karanteneperioden, må ein teste seg på nytt. Ta da kontakt med koronatelefonen på 35 05 93 59 for å bestille time, opplyser kommunen.
Fleire lærar og assistentar i karantene
Elevar som har testa negativt og vore friske i karanteneperioden kan på skulen igjen fredag 20. november.
Karantenen gjeld òg for lærarar og assistentar som har vore i dei involverte klassene dei siste 48 timane. Desse har fått beskjed av leiaren sin.
Desse er ikkje i karantene
Elever i 2., 5., 6., 8., 9. og 10. trinn er IKKJE i karantene, ifølgje kommunen.
Dei skal møte fysisk, til vanleg undervisning måndag 16. november. Dersom dette blir endra vil det bli gitt beskjed i løpet av helga. Elevar på desse trinna som har søsken som er i karantene er ikkje sjølv i karantene.
Personane med positiv covid-19 test er nå i heimeisolasjon.
Vaksenopplæringa på Akkerhaugen vil fortsatt halde stengt til situasjonen der er under kontroll.