Torsdag kveld fekk Midt-Telemark kommune melding om at to personar har testa positivt på covid-19. Ein bur i Bø, den andre ikkje. Både skuleelevar og barnehagebarn blei sett i karantene.

Negative testar

Den smitta som bur i Bø har blitt smitta på jobb-besøk i ein annan kommune.

Husstandsmedlemmane til denne personen blei sett i karantene og testa fredag. Det er desse testane det nå er kome svar på, og dei er negative.

Medlemmar av husstanden til den smitta er mellom anna barn som går på Folkestad skule og i Sandvoll barnehage.

Karantenen gjeld barna til den smitta personen og ikkje dei andre barnehagebarna, elevar ved skulen eller tilsette dei to stadene.

Bur ikkje i Bø

Den andre personen som har testa positivt på covid-19 er folkeregistert i kommunen, men bur og arbeider i ein annan kommune.

– Vedkomande har ikkje hatt besøk av nokon frå Midt-Telemark kommune, så det er ingen nærkontaktar her, opplyste kommunen torsdag kveld.