BEKYMRA FOR ØKONOMIEN: Statsforvaltaren i Vestfold og Telemark er bekymra for kommuneøkonomien.
BEKYMRA FOR ØKONOMIEN: Statsforvaltaren i Vestfold og Telemark er bekymra for kommuneøkonomien.

Ikkje påvist ny smitte i Midt-Telemark

Midt-Telemark kommune kjem med godt nytt på tampen av året. Det er ikkje påvist ny smitte i Midt-Telemark i romjula. Det blir likevel oppmoda til å bruke munnbind når meteren er vanskeleg å halde.

Det er for tida ein person i isolasjon og nokre nærkontaktar i karantene, blir det vidare opplyst frå kommunen.

Endra opningstid for testing

Det har vore stort press på testing i romjula.

Kommunen har tidlegare meldt at koronatelefon og teststasjon er stengt den 2. januar 2021. Dette er nå endra.

Koronatelefonen og teststasjonen er open laurdag 2. januar.  Koronatelefonen 35 05 93 59 er open frå klokka 09 til 10.30, og testing blir utført mellom klokka 10.30 og 11.30.

Time til testing kan også bestillast via sms på 908 30 217.

Søndag blir det ikkje utført testing, som tidligare meldt.

I tillegg vil koronatelefonen, sms-telefonen med nummer 908 30 217, vere bemanna for spørsmål om testing fredag 1. januar klokka 12 til 14 og sundag 3. januar klokka 12 til 14.

Frå måndag 4. januar er det normal drift.

Oppmoding om munnbind

På grunn av stor smitte i kommunar nær oss, oppmodar Midt-Telemark kommune sterkt til bruk av munnbind når ein er på stader der det er vanskeleg å halde ein meter avstand.

– Tenk spesielt på dette når du er på butikkar og kjøpesenter, står det i pressemeldinga.

Råd om feiring av nytt år

Mange gler seg til å feire eit nytt år. Det er likevel viktig å følgje dei gode råda for smittevern som til dømes går ut på å avgrense sosial kontakt.

Kommunen viser til Folkehelseinstituttet sine heimesider, der det er detaljerte råd.