«Friskoteket» som ligg inst i Gullbring, blir ei forstørra og forbetra utgåve av Erling Henriksveens helsestudio i Bø, som han har drive og utvikla i 13 år.
Flott i seg sjølv, det, men det unike nå ligg i koplinga i Gullbring til idrettshall og badet – og t.d. Kafé Olsen.
– Nå er det opp til bygdefolket å nytte tilbodet, seier Erling, som er drivar av friskoteket for eiga rekning, men i nært samarbeid med Gullbring kulturanlegg og Høgskolen i Telemark.
– Mange trur at dette er mest for studentar, men det er ikkje rett. Friskoteket er ope for alle!
Kommunelege Kristina Riis Iden og Jan Ove Tangen i Bø idrettsråd understrekar det same: – Me har nå ein kjempesjanse til å gjere heile bygda frisk og rørig. Nokre treng grunntrening for idrettsdeltaking, men andre treng bare ein stad å trene og trimme meir uforpliktande i lag med andre – revmatikarar, pensjonistar eller t.d. grannelag, Her er staden!