Sprang – eit eldgammalt handarbeid

Sprang eller bregding er eit eldgammalt handarbeid. Det er det eldste handarbeidet som vi kallar vårt i Noreg. For å laga sprang, bregde, må ein ha ei ramme med to metallstenger. Det blir rent i åttetal rundt stengene slik at ein får under- og overtrådar. Ein lagar eit slyng når ein tek opp ein undertråd og slepper ein overtråd. Det blir ikkje bruka innslagstråd, men kvar omgang blir stengt med ein pinne. For å få holmønster tek ein opp eit slyng på forrige omgang. Det blir laga holmønster på annankvar omgang slik som i kunststrikk.