Fleire av elevane ved Bø vidaregåande skule som har vore rekna som nærkontaktar og som sit i karantene denne veka har fått resultata frå koronatest nummer to etter utbrotet førre veke. Då testa to elevar positivt på sine koronatestar.
Ingen nye positive
Måndag blei tre klassar ved Bø vidaregåande skule pluss nokre lærarar koronatesta for andre gong etter utbrotet. Nokre elevar har også testa seg i andre kommunar.
– Me har fått svar på alle testane som blei teke på måndag og alle er negative, seier Marte Midttun Lie, einingsleiar for kommunikasjon og service i Midt-Telemark kommune.
Midttun Lie viser til at det første smittetilfellet er stadfesta til å vere britisk mutasjonsvirus, medan tilfelle nummer to ikkje er ferdig analysert for dette.
Elevar som er rekna som nærkontaktar og som blei testa for andre gong måndag skal sitje i karantene fram til fredag.