– Barnetrygd til alle barn i Midt-Telemark

Kva har Kragerø, Hjartdal, Tinn, Vinje og Notodden til felles? Dei avkortar ikkje barnetrygda til familiar på sosialhjelp. Å avkorte betyr i denne samanhengen å rekne barnetrygda som ein del av inntekta til folk som får sosialhjelp – og gjer kommunane det, blir stønaden i praksis mykje lågare. Både i Kragerø og Notodden har det vore ein kampsak for Raudt å gi folk heile barnetrygda utan avkorting, og det er noko Raudt er stolt av å ha vore med på å kjempe igjennom. Raudt har også foreslått det same fleire andre stader i fylket vårt, som Porsgrunn og Skien, men blitt nedstemt. Kvifor strittar så mange politikarar mot dette?