Lokaldemokratiet og pølselobbyen

Diskusjonen om arealplanen og handelsparken snurrar vidare med stadig nye innspel frå ordførar, lokalpolitikarar og handelsparken. For mange kan det vere vanskeleg å hengje med i svingane, og også me i Raudt Midt-Telemark lurer på mykje. Kvifor er det for eksempel blitt avgjerande for somme politikarar å utvide sentrum? Har politikarane snudd om kafedrift i Handelsparken? Handlar det verkeleg om lokalt sjølvstyre som ordføraren påstår, når presset frå ein svensk marknadssaktør er så overtydeleg? Og til sist: Kvifor vil ikkje Handelsparken røpe den andre aktøren dei seier vil etablere seg der? Her er det mykje som er uklart.