– Me må slutte å skape fiendar av meiningsmotstandarar

Om ein drøy månad er det stortingsval i Noreg. Det merkar ein når kalenderen viser august. Da girar både stortings- og lokalpolitikarar opp og startar valkampen. Dei må vise seg fram, og helst få innpass i både tradisjonelle og sosiale medium, for å få fram bodskapen sin og kva dei vil med politikken sin. Som alltid er nokon flinkare enn andre til dette, og slår til med både feite og prangande kampanjer, smarte strategiar og listekandidatar på veg til by og bygd rundt om i landet.