Guida tour i Bø anno 1250

Etter ein gamal blåkopi frå Halvor Moland (1916-1996), Bøherads svar på Reodor Felgen, har eg rigga ein Volvo toførr med spesialmotor som drikk hyperoktan og leverer 1,21 gigawatt (1.6 mill hestekrefter), nok til å dundre inn i ei tidsrift som skal ta oss tilbake i bøsoga, heilt til mellomalderen. Om du lurar på den store bulken i sida på bilen, kom den under testturen. Eg hamna utpå prærien i Øvre Bø, for langt tilbake i tida, og fekk eit ublidt møte med ein sinna øvre-bøsk mammut. Vrir om tenninga, trår gassen, svush! – av garde!