Ny politisk vind over landet – og heldigvis mange ulike parti på Stortinget

Me har nettopp vore gjennom eit spennande stortingsval, der ingen ting var gjeve på førehand, og der det kunne gå fleire vegar for veldig mange parti. Meiningsmålingar og prognosar i forkant viste likevel at det truleg kom til å skje ei politisk dreiing i Noreg, og slik blei det. Som vanleg blir tala analysert i etterkant og det blir kåra både valvinnarar og taparar. I tillegg blir det spekulert i mulege nye samarbeidspartnarar, alt etter korleis dei ulike partia har gjort det.