– Me får håpe at ikkje folk har mista lyst og vilje til å bidra som frivillig

Etter vel halvtanna år med ein pandemi som har prega verda, Noreg og lokalsamfunnet vårt på ulike måtar, er me i ferd med å gå tilbake til ein normal kvardag – her i Midt-Telemark og i resten av landet. Heilt tilbake til normalen er me likevel ikkje. Me skal fortsatt vere litt påpasselege med sjukdom og reinhald. Pandemien herjar dessutan fortsatt rundt i verda, sjølv om me her i nord sit på den grøne greina og har det godt. I Midt-Telemark har me eigentleg hatt det kjempefint i heile perioden viss me samanliknar oss både lokalt, nasjonalt og globalt, med lite smitte, god plass og stor fridom til å kome oss ut for lufting.