SLUTT PÅ MUNNBINDPÅBOD. Smittevernlege i Midt-Telemark, Solveig Tangen Nielsen, oppfordrar folk til å fortsatt vere flinke til å halde avstand og vaske hender ofte.
STORT SMITTETRYKK: Smittevernlege i Midt-Telemark, Solveig Tangen Nielsen, oppfordrar alle som nå blir smitta til å registrere seg sjølv. Ho opplyser at alle blir kontakta etter kvart. FOTO: Hilde Eika Nesje

Råder folk til å halde ungane heime viss det er smitte i familien

Alle som har barn i skule eller barnehage i Midt-Telemark blir nå råda til å halde ungane heime ei veke dersom det har kome smitte i familien.

Smittevernlegen råder nå folk i kommunen til å halde heime søsken og barn som bur i same hus som ein koronasmitta person.

– Me har eit høgt smittetrykk i kommunen. Søsken og barn av ein som er smitta av covid-19 kan ifølgje lovverket gå på skule og i barnehage, men me ønskjer at dei blir halde heime i sju dagar, og at dei tek ein test på dag sju. Viss testen da er negativ kan barnet returnere til skulen eller barnehagen på dag åtte, skriv smittevernlege i Midt-Telemark, Solveig Tangen Nielsen, i ei felles melding som har gått ut til foreldre og føresette i kommunen.

Ho legg i meldinga til at andre nærliggjande kommunar praktiserer det same, og at ein nå råder til å følgje dette tiltaket for å få smitta i kommunene ned på eit lågare nivå.