– I ei juletid som for fleire kan bli tung, er det fint viss me andre gjer noko med det

For andre år på rad går me inn i ei koronaprega julehøgtid. Covid-19, omikron, smittevernreglar, karanteneliv og pandemi pregar fortsatt heile verda. Det set òg sitt preg på korleis me lever liva våre, og korleis me gjennomfører tradisjonar knytt til både høgtid og kvardagsliv. For nokon kan det vere godt å vere litt ute av den vante rytmen, medan andre higar etter å få tilbake livet slik det var før våren 2020. Begge delar kan kjennest rett for den enkelte, men det at dei store, ytre rammene endrar seg, skal me òg vere litt bevisste på – i alle fall viss det er noko me vil ta vare på.