MANGE NYE SMITTETILFELLE. Onsdag melder kommunen om mange nye smittetilfelle i Midt-Telemark.
NYE REGLAR: Det har kome nye koronareglar for test og karantene. FOTO: Illustrasjon: Dag Einar Hvitsand

Nå er karantenetida korta ned viss ein blir koronasmitta

Nå skal ingen i smittekarantene lenger, den er avvikla for alle. Dette gjeld òg for nærkontaktar som er husstandsmedlem eller tilsvarande nære den smitta.

Barn i grunnskulealder og yngre blir anbefalt å berre teste ved symptom, også når det er smitte i barnets husstand. 

Husstandsmedlem og tilsvarande nære blir anbefalt å teste seg dagleg i fem døgn etter siste nærkontakt med den smitta. 

Dagleg testing

Personar som ikkje kan halde avstand til den smitta i isolasjonsperioden, bør òg teste seg dagleg under isolasjonsperioden og deretter dagleg i fem døgn etter isolasjonen er avslutta, altså i ni døgn.

Dersom fleire i husstanden er smitta, skal ein telje ni døgn frå den siste som blei sjuk. Her har det blitt endringar, tidlegare var det seks døgn i isolasjon, medan det no berre er fire døgn. 

Fortsatt smitte

Det er fortsatt ein del smitte i Midt-Telemark. Sidan 1. februar er det meldt om 219 nye smittetilfelle. Med det nye sjølvregistreringssystemet blir det ikkje opplyst kor smitta er.

Til saman 1337 personar har testa positivt for covid-19 sidan starten av november.