Nå har dei eldste blant oss endeleg fått ein fastlege på huset

Midt-Telemark kommune kan prise seg lykkeleg over å ha fått på plass ein institusjonslege som skal ha ansvar for pasientane på Bø sjukeheim og Sauherad bygdeheim. 88 eldre pasientar får nå sin eigen lege som både kan gjennomføre legevisittar og drive utviklingsarbeid knytt til dei to sjukeheimane. Tidlegare har denne oppgåva vore delt på fleire ulike legar, som i tillegg er fastlegar, og det skal ikkje mykje fantasi til for å skjøne at den nye løysinga må vere mykje betre for dei eldre. Pasientane får nå ein slags fastlege på huset som dei kan få ei sterkare tilknyting til. I tillegg får legen heilt sikkert betre høve til å følgje den enkelte pasient når han har mulegheiten til å bli ordentleg kjent med dei.