Ein av desse gardane har ein sikre opplysningar om 13 generasjonar bakover

Når ein dreg opp Liheia må ein gjennom ein skarp sving på vegen. Du ser den svingen litt til høgre for midten i flyfotoet, som er tatt frå søraust. Garden du ser ved svingen vart bygd på 1950-talet, etter at jorda var skilt ut i 1951, frå garden du ser nedanfor Livegen. Det nye bruket fekk då gardsnummer 19 som dei andre eigedommane vi ser i området, og hadde bruksnummer 63 og 64, kalla Lindeberg. I dag består området ved den skarpe svingen av ti bustader.