– Sjølv om Lifjell er artsfattig og karrig, er fjellet ikkje utan ljospunkt

Sjølv om Lifjell frå ein botanisk ståstad er artsfattig og karrig, er fjellet ikkje utan ljospunkt. Her, kor den nærings­fattige bergarten kvartsitt dominerar, finst det nokon stader mindre berggangar med blåaktig, næringsrikare amfibolitt. Der den finst i sudvendte hellingar med god varmeinnstråling, finst ein artsrik flora med fleire varmekjære artar som ein til vanleg berre finn i lågare strok. Ein slik stad er Blåur ved Gavelsjå. Urda er òg kalla Sveinsurda, eller Sveins hage. Ifylgje tradisjonen budde her ein prest som flykta opp hit for å unngå svartedauen, og levde her ei tid inntil pesta tok han òg.