Ender flytta fotballkamp
Lokalderbyet i fotball mellom Skarphedin og Nome blei flytta i siste liten for ikkje å kome i vegen for årets happening i Lunde, nemleg andeløpet i Lunde sluse. Vorspielet til andeløpet enda med heimesiger. Me får håpe fotballgjengen frå Nome er heldigare med kveldens race på kanalen.
Det er den lokale fotballgruppa i Lunde som er arrangør for det tradisjonsrike andeløpet. Dessverre var ein heilt vanleg fotballkamp i Bø lagt litt for nær i tid for årets viktigaste happening i Lunde. Dermed blei kampen skuva på mange timar for ikkje å kludre det til for badedyrracet i Lunde.
