TRENG STØTTE: Nancy Vegheim (t.v.) og Monika Espedalen ønskjer ein hundepark der kjæledyra kan løpe fritt og eigar møtast.
Anna Bugge
I fjor fekk dei tomt – nå treng Nancy og Monika pengehjelp for å realisere det etterlengta prosjektet
Monika Espedalen og Nancy Vegheim ønskjer ein møtestad for hundar og hundeigarar som ikkje er relatert til hundesport. Staden og visjonen er på plass, men dei manglar pengar.
Foreininga Hundeparken i Bø blei stifta i november 2020 og har som formål å etablere hundepark i Bø, som skal vere ein møteplass kor hundar kan løpe fritt i eit inngjerda område. Foreininga fekk tildelt eit bruksområde i Evjudalen av kommunen i 2021 og hadde som mål å opne parken våren 2022, men det finansielle har heldt dei tilbake. No ser dei mot 2023 med håp.
