Kva har vikingkulturen å tilby?

Dei siste åra har me via aviser og sosiale medier registrert at det har etablera seg ikkje mindre enn to vikingtun i kommunen vår. Begge rundt området Nordagutu-Akkerhaugen og dei kallar seg Guvihaug og Dingnes. Dei er dugnadsbasera og har bygd opp mykje på kort tid. Her er det snakk om mange bygningar, uteområde og skip. Dei er aktive i lokalmiljøet, arrangerer vikingdagar for skuleelevar og andre tilstelningar der folk kan komme og lære om fortida vår i eit vikingperspektiv. Og dei besøker skular og presenterer seg med foredrag, klesdrakter og sverd.