IDYLL I MIDT-TELEMARK: Dette kan nesten sjå ut som vegen ned til ei strand i Danmark, men det er det ikkje. Ein midt-telemarking har her fanga seinsommar-stemninga på vegen ut mot brygga ved Tangen som høyrer til Evju bygdetun. FOTO: Nina FåneFOTO: Nina Fåne
GUDSTENESTE I DET FRI: Siste søndagen i august var det utegudsteneste på Patmos på Akkerhaugen i det nydelege sommarveret. Det var utdeling av 4-årsbok og markering av søndagskulens dag. Gudstenesta var for både Bø, Sauherad og Nes, og mellom 250 og 300 feira gudsteneste med Norsjø som den vakraste altertavle. FOTO: Aleksander Torset EriksenFOTO: Aleksander Torset Eriksen
MORO MED AKTIVITET: Einar Stange Mathiesen, Sondre Haugen Forberg, Mats Østerli, Ivar Tollnes og Eskil Seljebotn Setvik var med da kyrkjelydane i Midt-Telemark arrangerte Mesternes mester for sjette- og sjuandeklassingar. Dei fekk prøve mange ulike utfordringar. på aktivitetsdagen ved Nes Menighetshus på Gvarv. 25 deltakarar og fem leiarar var med. FOTO: Marta KjøllesdalFOTO: Marta Kjøllesdal
SOFTEN blir frakta VEKK: Då augsut var omme, blei Soften iskrembar frakta vekk av Kranringen frå Bø torg. Deleigar Hans Gunnerud Jørgensen er nøgd med årets sesong som varte frå mai til august. – Me har blitt tatt veldig godt imot av både lokalbefolkning og turistar, fortel han. FOTO: Anna Bugge
PAPPALEIR: Ei helg i september drog ein gjeng med 50 midt-telemarkingar på pappaleir til Oksøya utanfor Brevik. På Normisjon sin leirstad var det fullt program, med mange aktivitetar og samlingar. Pappaene hadde full rulle med ungane sine på dagtid, men også tid til å senke skuldrane og ha gode samtaler om kvelden. FOTO: Kristin Bøen
FINT I FJELLET: På denne årstida er det vakkert i fjellet, med fine fargar og gode temperaturar. Ein lesar har sendt oss dette bildet frå Lifjell, og viser ein turgåar på veg ned frå fjellet Himingen. Utsikta er mot Sauland. FOTO: Kristin Ødegård Vestgarden
BRIDGENS DAG: Midt-Telemark bridgeklubb markerte bridgens dag med stand på Bøsenteret laurdag 3. september. Mange medlemmer var innom og bidro til å dele informasjon om bridge og kva det kan tilby; sosial omgang med andre, ein hobby for livet, hjernetrim og meistringsfølelse. Mange fekk med seg informasjonsbrosjyre og fekk møte ein eller fleire bridgespelarar. Siste helga i september arrangerer klubben kurs. FOTO: Anne Grethe Seljordslia
PÅ TUR I EVJUDALEN: Blindeforbundet i Telemark har vore på besøk i Evjudalen og fekk ei interessant og god omvising i friluftsområdet som er tilrettelagt og tilgjengeleg for alle. Sindre Flø, kultur- og idrettskonsulent i Midt Telemark kommune, fortalte at området har ein del utfordringar med kvikkleire, men at det er løyst med å leggje fyllmasser. Gruppa var òg innom Bø gamle kyrkje, Bøgata og Husly kafé da den vitja Bø. Neste gåtur blir på Notodden. FOTO: Terje Weber
LIV PÅ CAMPINGPLASSEN: Norsjø Ferieland er ein populær campingplass for både store og små. Denne rekkja av tohjulingar var også å sjå på Akkerhaugen. FOTO: Øystein Akselberg
GANGVEG: Arbeidet med å byggje sykkelveg mellom Bø og Gvarv går sin gang, og det er til tider lysregulering for å få arbeidet unna. Her ser me utviklinga ved Gvarv, vis a vis Planteskulen. FOTO: Øystein Akselberg
SISTE REST AV SOMMAR: Det er nydeleg utsikt frå Breisås Sør mot Øvre Bø. Her er ein siste rest av sommaren. FOTO: Monika Rønningen-Tempelmayr
BYGDEBY: Siluetten av Bø endrar seg i takt med den heftige utbygginga i sentrum. Her ser me Stasjonsgården frå ein litt annan vinkel enn vanleg, med siloen til Felleskjøpet som kneisar i bakgrunnen. FOTO: Øystein Akselberg
UT PÅ TUR: Fredag 9. september drog flyktningar busett i Midt-Telemark og tilsette hos Senter for kvalifisering og inkludering (SKI), på tur til Berganåsen. Gåturen var ein del av kommunen sin fysisk- og psykisk helseveke for deltakarar i introduksjonsprogrammet. Dei andre dagane har gått til samtale om korleis møte psykiske utfordringar, samt informasjon om ulike tilbod for betre fysisk og psykisk helse i kommunen. FOTO: Anna Bugge FOTO: Anna BuggeFOTO: Anna Bugge
NATURFAGDAG I EVJUDALEN: Her hadde fjerde trinn ved Bø skule naturfagdag i Evjudalen. Der skulle elevane blant anna legge merke til kva som er rundt oss. Nokre hadde nesten gått seg vill i skogen nedanfor hotellet. Dei mata også endene med brød. Foto: Marta Kjøllesdal
NYTT PUBLIKUM: På Sandvoll har det vore godt med publikum på fotballkampane i årets sesong. Denne entusiastiske gutegjengen frå Vest-Telemark er nye elevar ved idrettsllinja ved Bø vidaregåande skule, og tok seg turen for å heie på damelaget til Skarphedin da laget spelte mot Hei på heimebane i august.FOTO: Hilde Eika Nesje
BLÅTONAR VED NORSJØ: Dette biletet blei tatt ved Norsjø ein seinsommarkveld i år. FOTO: Jarle Andre HauganFOTO: Jarle Andre Haugan
LOKALOPPGJER: Herfrå eit lokalt fotballoppgjer på Nordagutu mellom G10 Sauherad IL og Skarphedin IL. Heimelaget vant denne kampen, trass i den enorme heiagjengen Skarphedin hadde med seg. FOTO: José BakkerFOTO: José Bakker
BONDELIV: Full aktivitet blant bøndene i Midt-Telemark. Her er det organisering av halmballar på Borgja gård. FOTO: Øystein AkselbergFOTO: Øystein Akselberg
SESONGSTART PÅ JAZZKLUBBEN I GULLBRING: Ellen Andrea Wang trio spelte konsert på klubbscena i Framstugo, og Jazzklubben melder om ein nydeleg konsert med tre musikarar i absolutte toppklasse. Det var luftig og fin lyd og suverent samspell. På scena møtte publikum Ellen Andrea Wang på bass og vokal, Andreas Ulvo på tangentar og Erland Dahlen på trommer og perkusjon. FOTO: Øystein AkselbergFOTO: Øystein Akselberg
Glimt og gløtt frå september i Midt-Telemark
Her kan du sjå små glimt frå ein del av alt som rører seg rundt i området vårt i løpet av ein månad.
