Lagde sin eigen kyrkjegard – ville ikkje ligge ved sida av «tjuvar og kjeltringar»

På garden Eikjarud ligg ein av dei få private kyrkjegardane her i landet. Grav­staden ligg på ein idyllisk haug i sudaustre hjørnet av innmarka og tett inn til skogen, omringa av eit stakittgjerde. Her kviler Halvor Rollefsson Eikjarud og kona Liv og sonen Gjermund. Soga vil ha det til at det var Halvor Rollefsson som ynskte ein eigen gravplass då han ikkje ville ligge saman med «tjuvar og kjeltringar» ved kyrkja på Bøhaugen.