Denne garden har vore i samme slekta i 213 år

Kjem du frå Oterholt på tur over Langkåshaugen ligg den vesle garden Pålskås på venstre side av vegen 300-400 meter, opp frå Oterholtbrua. Pålskås, gnr. 43, bnr. 2 var ein husmannsplass under Sisjord den gongen området mellom Sisjord og Fossheim bestod av eit belte med skog. Det måtte ryddast i grensene mellom dei to gardane i år 1700, og då vart det opplyst at Åne Finngardsson hadde rydda denne plassen i 1662. Kven som budde og dreiv Pålskås utover på 1700-talet finst det få skriftlege kjelder om.