– Menneske og musikk høyrer saman

Eg kjøper ein stor kaffi og noko å bite i. Så set eg meg ved eit bord og ser utover menneskevrimmelen under meg. Eg skal ta kveldstog heim til Bø, men det er fyrst om ein time. Eg har god tid, men det er det ikkje alle som har. Det kan eg sjå frå plassen min her oppe i kaféen. Nokon haster av garde den eine vegen, og andre småspring den andre vegen. Eg tar på meg hovudtelefonen med støydemping, og byrjar å leite på telefonen etter noko eg kan høyre på. Eg prøver meg litt fram i det endelause musikkbiblioteket som no er inni smarttelefonane. Eg lar populærmusikken få kvile, og finn fram eit klassisk musikkstykke. Sergei Rachmaninoff sin pianokonsert nummer to med Sviatoslav Richter ved tangentane.