Her tek dei fjellet fatt – over 60 gjekk det på langs
Vermeldinga lova sur nordavind, men dei som gjekk Lifjell på langs fekk strålande turver. – Det er ein av dei finaste dagane eg har hatt på Lifjell, seier leiar i Bø turlag, Arne W. Hjeltnes.
Søndag var dagen for Bø turlags årvisse langtur Lifjell på langs. Turlaget stilte med fire maxitaxiar som transporterte 62 forventningsfulle skigåarar frå Jønnbu og Bøgata til Grimås i Seljord. Det var også nokon som organiserte eigen transport.
