Alternativ til barne-tivoli i Bø!

Då eg var unge heitte det tivoli. Berre tivoli. Ikkje barne-tivoli. Og det var stort sett livsfårleg: Fulle folk skulle plent skyta på blink i alle retningar, galne ungdommar slang på utsida av ikkje-sertifiserte karusellar medan dei spydde i sirkel. Det var pilkasting utan EU-kontroll, omsetjing og inntak av heimebrent, slossing og steling og snyting og mykje meir – ja, det var uforgløymeleg! Men det var den tida. No skal det vera orden! Politi, Vegvesen og kommune skal sjå til det, om enn aldrig så seint. Eit mirakel at desse maktene rakk å få orden på forbodet før heile tivoliet hadde pakka ned og reist!