«Å eige skiløypa og stien»: Denne forståinga av grunneigarskap uroar meg

I Bø blad i valinnspurten (8. september) kom eg over ei overskrift som ikkje har slept taket: «Hugs at nokon eig skiløypa, badeplassen, lysløypa og stien du går på». Vidare kjem det fram at det er grunneigarar, og i hovudsak gardbrukarane, meiningsytrar Ann Kristin Forberg (Sp) siktar til, og som ho synest folk bør sende ein takknemleg tanke til når dei tek seg til rette i skiløypene på jorde, fjellet og på stiar.