NYTT LIV: Andrii (24) måtte flykte frå krigshandlingane i den ukrainske hamnebyen Mariupol. Nå har han starta eit nytt liv i Noreg.
Danylo Novikov
Andrii (24) overlevde krigen i Mariupol. Nå har han fått eit nytt liv i Bø
I ein månad levde Andrii saman med familien sin under konstant skyting i den blokkerte byen Mariupol. No har han fått eit trygt liv i Midt-Telemark.
I byrjinga av den russiske invasjonen av Ukraina, i februar 2022, vart hamnebyen Mariupol omringa av den russiske hæren. På kort tid vart den store byen med ein halvt million innbyggjarar utan vatn, straum, gass og kommunikasjon. Ifølgje nøkterne estimat frå FN døydde 1348 menneske der i løpet av tre månader med harde kampar. Dei ukrainske styresmaktene hevdar det var 25 000 sivile som døydde og at 90 prosent av bustadane i byen vart skadde eller øydelagde.
