NYTT SAMARBEID: Thomas Hegge (t.v.) og Mariusz Łazicki.
Øystein Akselberg
Takka vere ein vellykka gründer på Gvarv kan Mariusz servere fisk i verdsklasse
Ein internasjonal sjøfisk-aktør held til på Gvarv. Det har ført til fisk i verdsklasse på menyen til ein lokal restaurant.
Ein kan godt kalle det eit sjøfisk-eventyr i innlandet. Den internasjonale fiskeleverandøren Norice Seafood AS har adresse på Gvarv, ei omsetning på rundt 200 millionar kroner i året og seks tilsette. Bak firmaet står Tore Hamre, gründer og dagleg leiar av det suksessfulle selskapet. Han er ikkje så opptatt av seg sjølv, men han er opptatt av fisk, og at fisk i verdsklasse no blir servert på ein lokal restaurant i Midt-Telemark.
