DEI FØRSTE: Nokre av dei 37 som søkte om støtte første året, i 2017. Framme f.v. Ida Hustad, Vivian Bertelsen og Henriette Karlsen. Bak f.v. Markus Fenes, Are Aarrestad, Artur Czapka og Mads Skovmose.
Marta Kjøllesdal
Studentar som melder flytting til Midt-Telemark skal få meir pengar og treng ikkje lenger kjøpe sykkel
I snitt er det 122 studentar som har meldt flytting og fått støtte kvart år sidan ordninga med tilskot til sykkelkjøp vart innført.
Sidan 2017 har studentar som melder flytting til Midt-Telemark kommune (tidlegare Bø kommune) kunne søke om støtte i form av 4.000 kroner til kjøp av sykkel. I tillegg fekk studentane tre kinobillettar. Målet med ordninga har vore at ein skal få fleire til å melde flytting til kommunen, og dermed få auka overføringar frå staten, dessutan få fleire til å sykle. Ein har også sett på det som ei ordning for å auke aktiviteten for lokalt næringsliv.
