SATSAR: Musikar Kristoffer Brenna og  utøvarane Jan Helgesen og Dan Sibbern Ryeng lada opp til nysatsinga på Grønkjær saman med Jens Marius Hammer og Tor Sveinung Simones i Lions, og Frode Hagen i Notodden Energi.
SATSAR: Musikar Kristoffer Brenna og utøvarane Jan Helgesen og Dan Sibbern Ryeng lada opp til nysatsinga på Grønkjær saman med Jens Marius Hammer og Tor Sveinung Simones i Lions, og Frode Hagen i Notodden Energi. FOTO: Frida Bergendal Ytterbø

Må avlyse helgas renn på Grønkjær

Det Lille Ridderrenn som skulle gå på Grønkjær komande helg er avlyst.

– Me beklagar, men det var ingen annan utveg enn å avlyse.

Det seier Jens Marius Hammer, rennleiar og representant for arrangøren, Lions Notodden. Det Lille Ridderrenn skulle etter planen gått på Grønkjær komande helg, men slik blir det ikkje.

Grunna for lite påmelding til rennet, som er for menneske med nedsett funksjonsevne, har Lions Notodden og samarbeidspartnarane bestemt seg for å avlyse det planlagte rennet med langrenn og skiskyting komande laurdag. Det kjem fram i ei pressemelding frå organisasjonen.

Vil sjå på nytt arrangement

– Årsaken til lite påmelding skal me forsøke å finne svaret på. Det er muleg det blei for seint og at mange er lei vinter og ski på denne tida av året, seier president i Lions Notodden, Tor Sveinung Simones.

Klart for «Det Lille Ridderrenn» på Grønkjær

Dei gir seg likevel ikkje, og skal nå vurdere eit større arrangement i form av ein regionalt meisterskap vinteren 2025 for Buskerud, Telemark og Vestfold, i same spor som Notodden-leikane i friidrett.

– Det er få arrangement for denne gruppa og me ønskjer å bidra til trivsel, hygge og litt fysisk aktivitet, seier Simones.

Han er likevel svært fornøgd med korleis næringslivet og kommunane svarte positivt på førespurnaden om samarbeid.