Skal ein bevare eller byggje ut, og i kva for grad skal ein gjere det eine eller det andre, er viktige spørsmål i saka.
Kva som til slutt blir bestemt av politikarane vil uansett utfall få mykje å seie for korleis nærfjellet til innbyggjarane i kommunen blir i framtida.
Alle kan seie sitt
Engasjerer du deg i dette, er det viktig at du seier kva du meiner nå. Fristen for å kome med innspel er 26. mai, og både organisasjonar og privatpersonar har lov til å uttale seg.
I dag, onsdag 24. april, er det open dag på plankontoret viss ein har lyst til å få meir detaljert informasjon og svar på spørsmål rundt planen som ligg ute til høyring.
I kveld er det dessutan ope møte for alle på kommunehuset i Bøgata. Kommunen inviterer alle som er opptatt av utviklinga av Lifjell-området til dette møtet. Møtet varar frå klokka 19 til 21.
Kan delta digitalt
Dei som ikkje kjem seg til kommunehuset har høve til å følgje møtet digitalt via Kommune-TV. Her finn du informasjon om korleis du gjer dette: Kommune-TV eller besøk kommunens heimeside under politikk.
I møtet vil ordføraren ønskje velkomen før prosjektleiar Øystein Tveit gir ei innleiing og presenterer viktige delar av planen. Det vil òg bli moglegheit til å stille spørsmål til både administrasjonen og dei politiske partia, og ein kan få informasjon om den vidare prosessen.
Dei som vil delta digitalt blir oppfordra til å sende inn spørsmål til administrasjonen og politikarane på førehand på svro2606@mt.kommune.no.
Lifjell-planen
- Forslag til ny kommunedelplan for Lifjell ligg ute til høyring.
- Fristen for å kome med innspel er 26. mai.
- Onsdag er det open dag på plankontoret.
- Onsdag kveld er det høyringsmøte.
- Sakspapira finn ein her.