STØTTAR KAMPANJEN: Her er tilsette på Bøsenteret iført fotballtrøyer. Bak f.v. Taran Martine Nordli (butikksjef NORMAL), Selma Weber (butikktilsett NORMAL), Jon Mykland Lunåshaug (tilsett Sport 1), Hans Erik Bjartheim Dale (tilsett Sport 1) og Øystein Slettemeås (butikksjef Sport 1). Framme f.v. senterleiar Tove Bringa, Veronica Myhra (butikksjef Lindex) og driftleiar Fredrik Stokker.
Bøsenteret
Fotballtrøye-fredag på senteret: – Me er med på å støtte ein god sak
Folka på Bøsenteret støttar kampen mot barnekreft. I dag er det nemleg fotballtrøye-fredag.
Barnekreftforeningen arrangerer i dag fotballtrøye-fredag. Målet er at fargerike fotballtrøyer skal prege arbeidsplassar, gatebildet, skular, barnehagar og ikkje minst sosiale medium. For kvart år tek stadig fleire på seg fotballtrøye for å heidre barna ein dessverre har mista, og for å vise støtte til barn og ungdom med kreft.
