Spent stemning før debatt om skulesaka: – Håpar dei tar det riktige valet

Både dei som blir råka av eit eventuelt vedtak om nedlegging av Folkestad skule og andre engasjerte innbyggjarar hadde møtt opp for å protestere utanfor kommunehuset måndag ettermiddag. Dei hadde stilt seg opp slik at alle kommunestyrerepresentantane som skulle på møtet måtte passere dei. Stemninga var spent, og mange lura på kva som kjem ut av saka i kveldens kommunestyre.