SYKKELPILOTAR: Halvor Gåra (t.v.) og Svein Inge Ståland er sykkelpilotar.
Adriana Sòria Peris
Nå er dei fem, men vil gjerne bli fleire: – Det er triveleg for dei frivillige også
– Dei som nyttar seg av tilbodet smiler og ser veldig glade ut. Det er veldig bra at dei får komme seg ut, for det skjer ikkje så ofte, fortel Anita Haugo Fredly, dagleg leiar i Bø Frivilligsentral.
Med initiativet Sykkelpilotene kan bebuarane på Bø sjukeheim oppleve livet i gata igjen. Fleire frivillige i Bø Frivilligsentral er del av prosjektet, og dei brukar rickshaw-syklar for å ta pasientane med på tur i sentrum. Dei syklar med bebuarane kvar tysdag og torsdag, men det er sjølvsagt vêravhengig. Tilbodet startar som regel i mai og varar fram til det byrjar å bli for kaldt, ofte i september.
