Skapunkbandet Tov & The Pacemakers skal spele i kulturprogrammet under OL for ungdom på Lillehammer. Foto: Marta Gajewska og Magna S. Neuberg
Tov & The Pacemakers opptrer i kulturprogrammet under Lillehammer 2016 Youth Olympic Games. Bø-bandet, med dei unge musikarane Audun Rørmark, Brage Rørmark, Eline Nesje, Martin Johnsrud, Simen Bakkåker, Sindre Bakkåker og Tov August Forberg, blei vald ut under landsfestivalen i Ungdommens kulturmønstring i Trondheim sist sommar.
Omlag 100 musikarar og artistar, frå profesjonelle i verdsklassen til ungdom og amatørar, er med i kulturprogrammet som går parallelt med idrettskonkurransane under OL. Frå Telemark deltar også dansarane Torjus Westeng Bakken og Gjertrud Raftevold Rue frå Gransherad og Seljord, og hardingfelespelar Tone Anne Tveiten frå Gransherad.