Møteplass. Pengane Bøf har fått skal gå til å gjere Skoghaugen til ein uformell møteplass.
Til uformelle aktivitetar og utstyrsbank
Bø Frivilligsentral (Bøf) har fått 300.000 kroner frå Barne-, ungdoms og familiedirektoratet.
– Det er me svært glade for, seier Elisabeth Haugen, dagleg leiar ved Bøf.
Haugen opplyser at pengane skal gå til prosjektet Møteplassen og til å oppretthalde tilbodet ein alt har for barn og unge. Målet er å lage ein uformell og uorganisert aktivitetsrena der fri fysisk utfalding og trivsel er hovudmålet. Støtta går blant anna til ope hus for barn i femte til sjuande klasse etter skuletid, utstyrsbank og ein alternativ møteplass for ungdom.