I gang med jobben. Kåre Vidar Førland (t.v.) og Helge Fossheim starta tysdag jobben med å sprøyte isbana i Gullbring. Foto: Øystein Akselberg
Det er driftsavdelinga på høgskulen som står bak arbeidet med å få på plass isbane på uteområdet i Gullbring. Høgskulen tek ansvaret for å gje bygda ei skøytebane og den blir mykje bruka når den er på plass. Bø kommune på si side ser ikkje på skøytebane som sitt ansvar. Der i gården blir det håpa og trudd at høgskulen skal gjere jobben.
Måndag blei bana brøyta for snø og tysdag blei det sprøyta på vatn. Så vil vêret og kuldegradene bestemme kor fort det kan bli skøyteis.