F
Ei av verdas viktigaste matvarer fekk sin eigen ferie
EVJU BYGDETUN er ein av dei faste organisasjonane i Bø og Sauherad som gjestar denne spalta på omgang. Dei andre er Advokatane Kåsa og Nilsen, Bø sokn, Sauherad og Nes sokn og Bø Museum.
På denne tida, for om lag 100 år sidan, tok Anund J. Evju (1890-1979) dette bildet av familien i arbeid med potetopptaking. Snøen låg alt på Lifjell, så da var det på tide å få jordepla frostsikkert i hus. Hausten 2023 har alle elevar i 8. klasse i Midt-Telemark kommune hatt undervisningsdagar i Den kulturelle skulesekken innan kulturarv på Evju Bygdetun. Dei har samanlikna bildet med kulturlandskapet slik vi ser det i dag; Lifjell ligg der like trygt, men enda ikkje med snø på. Jordet på Evju blir framleis dyrka og dei gamle aplane gjev frukt også i år. Elevane har bruka alle sansar i undervisning om «Jordeple& Søteple – frå jord til bord», tatt opp poteter, hausta eple og laga mat i Eldhuset.
