Klart for nye Grillen – snart opnar diskoteket

Me sit med eigar Helge Solberg (41) og dagleg leiar Asbjørn Botnen (47). På ein måte er ringen slutta etter at Solberg tok over i 1995. For det var svigerfar hans, Einar Kaasa, som bygde huset i 1957. Etter å ha husa møblar i tjuge år, blei bygget selt til Williams for hotell- og kafédrift. No ligg planane der for vidare satsing i framtida, mellom anna med ei påbygd 3. høgd for å gje plass til nær dobbelt så mange rom som i dag (15 i dag) og for utvida møteromskapasitet. Også eksteriørmessig skal det bli eit flott bygg etter kvart, lovar Solberg.