– Ekteskapsvaldtekt er òg ei form for valdtekt

Valdtekt i ekteskapet er ei form for partnarvald. For berre nokre år sidan var dette omgrepet ukjent for dei fleste. I mange land er det framleis uklart om ekteskapsvaldtekt går inn under dei ordinære valdtektslovene, men i mange land kan sex med tvang utan samtykke kome inn under dei generelle lovene om vald, til dømes overfall og lekamsskading. I andre land fell valdtekt i ekteskapet framleis utanfor lovverket, eller det er allment akseptert og lite anerkjent. Motviljen mot å definere sex utan samtykke i ekteskapet og å påtale det som eit lovbrot, er basert på eit tradisjonelt syn på ekteskapet, tolking av religiøse doktrinar, førestillingar om mannleg og kvinneleg seksualitet, og kulturelle forventningar om ei underdaning kone — eit syn som framleis er vanleg i mange delar av verda.