– I norsk friluftsliv har eg funne meg sjølv, og fått tilbake sjølvtillit og styrke

Eg kjem frå eit land der terrenget stort sett består av elvar og lågland. Det høgaste fjellet er endå lågare enn Lifjell i Bø (Tazing Dong- 1280 meter). I mitt heimland er det stort sett stammefolk som lever i fjella, og turistar som reiser dit, reiser for å besøkje stammekulturen. Dei fleste fjellområda er under militær kontroll og med svært mykje militære til stades. Eg har besøkt fjellområda i Bangladesh mange gonger, og måtte då ha løyve frå militæret. Og eg måtte også reise med ei gruppe, for ei kvinne som reiser åleine er ikkje trygg. Det er i tillegg mange stader ein ikkje kan gå fordi det er strenge restriksjonar.